თალაკვაძე: ეს არის სახელმწიფო, ეს არ არის მიხეილ სააკაშვილის შპს კომპანია

18 Nov. 2021, 02:05

გარწმუნებთ, რომ ამ რადიკალურ პოლიტიკურ ბანაკს არ მივცემთ საშუალებას, რომ საქართველო არეულობის და დესტაბილიზაციის რელსებზე გადაიყვანონ, არ მივცემთ ამის საშუალებას უბრალოდ. სხვათა შორის, ძალიან ცუდი რა არის და რისი გაშუქებაც არ ხდება — სააკაშვილის საფრთხეში აგდებს სხვა მოქალაქეების სიცოცხლეს და ჯანმრთელობას, როდესაც იცის, რომ პარლამენტარი ელენე ხოშტარია მართლა შიმშილობს მის გამო, ის მხოლოდ და მხოლოდ პირადი მოსაზრებებით საფრთხეში აგდებს ელენე ხოშტარიასაც, იმ საკრებულოს არჩეულ ადამიანსაც.

უფრო მარტივია, რომ სააკაშვილმა შეწყვიტოს შიმშილობა, ვიდრე სახელმწიფო გადაეწყოს სააკაშვილის ავანტიურულ გეგმაზე. და რატომ უნდა გადაეწყოს, ეგეც გაუგებარია. ეს არის სახელმწიფო, ეს არ არის მიხეილ სააკაშვილის შპს კომპანია ან ნაციონალური მოძრაობა, ეს არის საქართველო და ის აღარ დაბრუნდება სააკაშვილის მართვის სტილში.

ბოლო ამბები: