ამერიკის შეერთებული შტატები შეშფოთებულია უნგრეთის მთავრობის მიერ 28 მარტს შემოთავაზებული საკანონმდებლო ინიციატივით, რომლის მიზანს წარმოადგენს უცხოური უნივერსიტეტებისთვის მძიმე რეგულაციების შემოღება. დეპარტამენტის განცხადებით, თუ ეს ცვლილებები მიღებული იქნება, ეს უარყოფით გავლენას მოახდენს ცენტრალური ევროპის უნივერსიტეტზე (CEU) ბუდაპეშტში და მის დახურვასაც გამოიწვევს:

"CEU წამყვანი აკადემიური ინსტიტუტციაა, რომელიც აკრედიტებულია აშშ-სა და უნგრეთში, რომლის თანამშრომლები და სტუდენტები არიან მსოფლიოს 100 ქვეყნიდან. მან გააძლიერა უნგრეთის გავლენა და ლიდერობა რეგიონზე თავისი აკადემიური ოსტატობით, ასევე დამოუკიდებლობისა და კრიტიკული აზროვნების ხელშეწყობით.

ჩვენ მოვუწოდებთ უნგრეთის მთავრობას, თავიდან აიცილოს ნებისმიერი ქმედება, რაც საფრთხეს შეუქმნის CEU-ს დამოუკიდებლობასა და საქმიანობას."

უნგრეთის ხელისუფლება აპირებს გაამკაცროს რეგულაციები, რომელთა მიხედვით, ევროკავშირის გარეთ რეგისტრირებული ინსტიტუტებისთვის უნგრეთში დიპლომებისა და აკადემიური ხარისხის გაცემა გართულდება. ამის შესახებ სამშაბათს, ადამიანური რესურსების სამინისტრომ ჟურნალისტებს განუცხადა. სამინისტროს განცხადებით, უნგრეთში რამდენიმე უნივერსიტეტი არალეგალურად ოპერირებდა და ხელისუფლებამ დარღვევები აღმოაჩინა რამდენიმე უცხოურ უნივერსიტეტში.

ჯორჯ სოროსის ხელშეწყობითა დაფუძნებული ცენტრალური ევროპის უნივერსიტეტის განცხადებით, კანონპროექტი, რომელიც უნგრეთის ადამიანური რესურსების მინისტრმა პარლამენტს წარუდგინა, პირდაპირ მათ წინააღმდეგაა მიმართული.