დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ქვეყანაში ჯერ გრიპის ვირუსი არ ცირკულირებს. ამის შესახებ მან საკოორდინაციო საბჭოს წევრების ბრიფინგზე ისაუბრა.

"ნოემბერ-დეკემბერი საკმაოდ რთული იქნება, იმიტომ, რომ მოგეხსენებათ, ამ დროს კიდევ აქტიურდება სხვა რესპირაციული ინფექციები. ჯერჯერობით, გრიპი არ ცირკულირებს ქვეყანაში. იცით, რომ ჩვენ მუდმივი მონიტორინგი გვაქვს. გრიპის ვირუსი არ ცირკულირებს, არის სხვა რესპირაციული ვირუსები, რომელიც ცირკულირებენ, მაგრამ გრიპი არ არის ჯერ", — აღნიშნა მან.

მან მოქალაქეებს გრიპის ვაქცინის ჩატარებისკენ მოუწოდა. მისი თქმით, დღეისთვის უკვე 26 ათასი ადამიანია აცრილი.

"200 ათასი დოზა ქვეყანაში გადანაწილებულია და ვისაც ეკუთვნის სახელმწიფოს ხარჯზე და ეს რისკ-ჯგუფები ვინც არიან, აუცილებელია, რომ გრიპის საწინააღმდეგოდ აიცრან", — აცხადებს ის.

გაიგეთ მეტი: