ჯანდაცვის მინისტრის მოადილე თამარ გაბუნია აცხადებს, რომ აქციები მობილობის რისკს ზრდის და შესაბამისად ზრდის ვირუსის გავრცელების რისკს. მას არ დაუკონკრეტებია რომელიმე კონკრეული პარტიის აქცია და ამ თემაზე დამატებით არ უსაუბრია.

"აქციები მობილობას ძალიან ზრდის. აქციები არ ექვემდებარება შეზღუდვას, რადგან თან სდევს პოლიტიკურ პროცესებს, აქედან გამომდინარე ეს არის რისკი", — თქვა გაბუნიამ.

პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 732 965-ს, გამოჯანმრთელებულთა რაოდენობა გაიზარდა 673 640-მდე, ხოლო პანდემიის გავრცელებიდან დღემდე ვირუსს ჯამში 10 185 პირი ემსხვერპლა.

ქართულმა ოცნებამ და ნაციონალურმა მოძრაობამ თბილისში, თავისუფლების მოედანზე მასშტაბური აქცია გამართა წინასაარჩევნოდ. ორივე პარტიამ მოსახლეობა რეგიონებიდანაც ჩამოიყვანა.