პარტია გირჩი — მეტი თავისუფლების ლიდერის, ზურა ჯაფარიძის განცხადებით, არსებული შედეგებით ხელისუფლებას ლეგიტიმურობის სერიოზული დეფიციტი აქვს.

"არავის არ ჰქონდეს ილუზია, რომ ამ შედეგების აღიარებით, ჩვენ რაღაცნაირად ლეგიტიმურობას ვაღიარებთ ამ არჩევნებში. არა, ჩვენ ზუსტად ვიცით, რა პროცესში მივიღეთ მონაწილეობა. ხელისუფლებას, უკვე ამ შედეგებითაც, მათ შორის, თვითონ რაც გამოაქვეყნა, უკვე ლეგიტიმურობის სერიოზული დეფიციტი აქვს. შეუძლებელია, რომ ისინი დიდხანს დარჩნენ ხელისუფლებაში", — თქვა ზურა ჯაფარიძე.

ქართული ოცნების თავმჯდომარემ, ირაკლი კობახიძემ განაცხადა, რომ როდესაც 100 000 ხმით აქვს ოპოზიციას ქალაქში არჩევნები წაგებული, ხმის დაცვაზე ვერ იქნება საუბარი. მისივე თქმით, ოპოზიციამ ე.წ. რეფერენდუმის მეორე ტურში ყველაფერი წააგო.

ნახეთ არჩევნების მეორე ტურის შედეგები დეტალურად On.ge-ზე: