ცოტა ხნის წინ მსოფლიოსა და საქართველოში დენი ვილნევის ფილმის — დიუნის პრემიერა შედგა. იმავე სახელწოდების წიგნის ეკრანიზაცია, რომელსაც ყველანი დიდი ხანი ველოდით, ნამდვილად შთამბეჭდავი აღმოჩნდა. ვარსკვლავური შემადგენლობა, მასშტაბური სამყარო, დაუვიწყარი კადრები, ჰანს ციმერის მუსიკა — ამ ყველაფრის მიუხედავად, გულშემატკივრების ნაწილი უკმაყოფილო დარჩა. ამის მიზეზი კი ყველასათვის საყვარელი ზენდეიაა, რომელიც ფილმში სულ რაღაც 7 წუთით ჩანს.

როგორც აღმოჩნდა, სხვადასხვა პრემიერაზე, წითელ ხალიჩასა თუ ფოტოებში ზენდეიას აქტიურად გამოჩენამ გულშემატკივრებს იმედი მისცა, რომ ფილმში მისი ნიჭითა და მშვენიერებით ტკბობას უფრო დიდხანს შეძლებდნენ. თუმცა როცა აღმოაჩინეს, რომ მსახიობი მხოლოდ 7 წუთით ჩანდა, ინტერნეტი, კერძოდ კი ტვიტერი სახალისო რეაქციებმა და მიმებმა წალეკა.

მიუხედავად იმისა, რომ ზენდეიამ ჩვენი მოხიბვლა 7 წუთშიც მოახერხა, გულშემატკივრებს მაინც დაამშვიდებთ იმის ცოდნა, რომ ცოტა ხნის წინ დიუნის მეორე ნაწილი დაანონსდა. დიუნის პირველი წიგნის ადაპტაცია რეჟისორმა ორ ფილმად გადაწყვიტა, ზენდეიას პერსონაჟს კი უკეთ სწორედ პირველი წიგნის ბოლოს ვეცნობით. შესაბამისად, მეორე ფილმში ზენდეიას პერსონაჟს გაცილებით მეტი დრო დაეთმობა და გულშემატკივრებსაც, დიდი ალბათობით, საწუწუნო აღარაფერი ექნებათ.

მანამ, სანამ დიუნის შემდეგი ფილმის ნახვის სიამოვნება გვექნება, გთავაზობთ საუკეთესო რეაქციებს ფილმში ზენდეიას 7-წუთიან გამოჩენაზე:

1. "რას გულისხმობ, რომ ზენდეია დიუნში მხოლოდ 7 წუთით ჩანს?"

2. "ზენდეია დიუნში 2 წუთით ჩანს და მხოლოდ ამას აკეთებს. არ ვხუმრობ"

3. "ზენდეია დიუნის სცენებში, რომლებიც სულ 10 წუთი გრძელდება"

4. "ფილმის ბოლოს ტიტრები ზენდეიას სცენებზე უფრო ხანგრძლივი იყო"

5. "როგორც ხედავთ, დიუნის ფანები გამოდიან და გვეუბნებიან: 'წიგნი რომ წაგეკითხა, გეცოდინებოდა, რომ მისი პერსონაჟი...' არ მინდა წიგნის წაკითხვა, ზენდეიას ნახვა მინდა. რა არის აქ გაუგებარი, სტივენ?"

6. "ზენდეია პრესის წინ ტურნეზე ისე გამოიყვანეს, თითქოს ფილმში 5 წუთზე მეტი ჩანს"

7. "ფილმში ზენდეიასთვის ჩვენს მოსახიბლად 7 წუთიც საკმარისი აღმოჩნდა"

ამავე თემაზე: