სულ ცოტა ხნის წინ შედგა დენი ვილნევის ახალი ფილმის Dune (დიუნი) პრემიერა და უკვე ცნობილია, რომ მაყურებელი მეორე ნაწილსაც იხილავს.

ოფიციალურად ამის დადასტურებას ერთგული გულშემატკივრები მას შემდეგ ელოდნენ, რაც ფილმს მითითებული ჰქონდა, რომ "პირველი ნაწილი" იყო.

"ახლახან გავიგე კინოსტუდიისგან, რომ ოფიციალურად ვიწყებთ მუშაობას ფილმზე დიუნი: მეორე ნაწილი. ჩემი ოცნება იყო, რომ ფრენკ ჰერბერტის რომანის ეკრანიზაცია გადამეღო და მინდა ფანებს, მსახიობებს, შემოქმედებით გუნდსა და კინოსტუდიას გადავუხადო მადლობა, ამის მიღწევაში რომ დამეხმარა. ეს მხოლოდ დასაწყისია", — განაცხადა დენი ვილნევმა.

კინოსტუდია Warner Bros.-ში აცხადებდნენ, რომ ისინი ფილმის კინოგაქირავებაში წარმატებას ელოდნენ, რათა შემდეგი ნაწილისთვის მწვანე შუქი აენთოთ. დიუნმა კი სულ რამდენიმე დღეში $220 მილიონის შემოსავლები დააგროვა, ასე რომ, დენი ვილნევს ისღა დარჩენია, თავისი ოცნება ბოლომდე აისრულოს.

დაანონსდა მეორე ნაწილის პრემიერის წინასწარი თარიღიც: 2023 წლის 20 ოქტომბერი. ვიმედოვნოთ, რომ არაფერი შეუშლის ხელს მთელ შემოქმედებით გუნდს მუშაობაში და პრემიერის თარიღიც უფრო შორს არ გადაიწევს.

ასევე იხილეთ: