ყველა გმირი არ ატარებს მოსასხამს, რადგან ზოგიერთი მათგანი საკუთარი ფუმფულა ბეწვითაა შემოსილი. ამის მაგალითია 6 წლის ავსტრალიური კოლი, სახელად Bear (დათვი), რომელმაც 2019-2020 წლის ავსტრალიის ტყის ხანძრების დროს გადამწვარ ადგილებში 100 დაშავებული კოალა იპოვა და გადაარჩინა.

ცხოველთა დაცვის საერთაშორისო ფონდის (IFAW) ინფორმაციით, ძაღლმა, რომელმაც ავსტრალიის სეზონური ხანძრის დროს ყველა აღაფრთოვანა, ცოტა ხნის წინ გაწეული სამაშველო სამსახურისთვის განსაკუთრებული ჯილდო მიიღო. 12 ოქტომბერს გამართულ Animal Action Awards-ს გმირი ძაღლი სახლიდან ჩაერთო და პრიზიც ვირტუალურად აიღო.

ფოტო: IFAW

"ჩვენ ვფიქრობთ, რომ ის ნამდვილად იმსახურებდა ამ ჯილდოს. მართალია, ხანძრების დროს მისი გმირობა ყველასთვის შთამბეჭდავი იყო, მაგრამ გარდა ამისა, ის მთელი წლის განმავლობაში მუშაობს და გვეხმარება, რომ კოალებისთვის სამყარო უფრო უსაფრთხო ადგილი გავხადოთ", — განაცხადა ძაღლის მწვრთნელმა სანშაინ-კოუსტის უნივერსიტეტიდან.

აღსანიშნავია, რომ ამ მამაც ძაღლს ავსტრალიის ხანძრების დაწყებამდე არც სამსახური ჰქონდა და არც თავშესაფარი. მისი უსაზღვრო ენერგიისა და თამაშისადმი მიდრეკილების გამო ოჯახებთან შეგუებაც ძალიან უჭირდა. მისი გამორჩეული უნარების, განსაკუთრებით კი მახვილი ყნოსვის გამო, ის სანშაინ-კოსტის ძაღლების გუნდის წევრი მალევე გახდა. ძაღლი მალევე გაწვრთნეს და ახლა IFAW-ში ველური ბუნების დასაცავად მუშაობს.

ფოტო: INTERNATIONAL FUND FOR ANIMAL WELFARE

Animal Action Awards-ის კიდევ ერთი გამარჯვებული იასპერი იყო. ის COVID-19 პანდემიის განმავლობაში ჯანდაცვის ეროვნული სამსახურის საავადმყოფოებს მთელს ინგლისში სტუმრობა. მისი საქმიანობა სამედიცინო მუშაკების მხარდაჭერით და მათზე ზრუნვით შემოიფარგლება, რომლებიც მასთან თამაშისა და ჩახუტების შემდეგ თავს უკეთ გრძნობდნენ.

ფოტო: IFA