ავსტრალიაში ბოლო ათწლეულების განმავლობაში ერთ-ერთი ყველაზე მასშტაბური ხანძარი მძვინვარებს, რომელსაც უკვე 18 ადამიანი ემსხვერპლა. ასევე დაიწვა 2 500 სახლი და განადგურდა დაახლოებით 6 მილიონი ჰექტარი.

ხანძართან ბრძოლაში მეხანძრეების გარდა ჩართულია რამდენიმე ათასი მოხალისეც, ისევე როგორც სამხედროები. დასახმარებლად მეხანძრეები ავსტრალიაში კანადამ და ამერიკის შეერთებულმა შტატებმაც გაგზავნა.

ავსტრალიაში ზაფხულს ე.წ. ხანძრის სეზონიც ერთვის, რომელიც სერიოზულ საფრთხეს წარმოადგენს. მაგალითად, 2009 წელს ხანძრებმა 173 ადამიანი იმსხვერპლა.

განსაკუთრებით მძიმე გამოდგა ახლანდელი სეზონიც. ქვეყნის მეტეოროლოგიურმა სამსახურმა განაცხადა, რომ ბოლო გაზაფხული რეკორდულად მშრალი იყო. დეკემბერში ასევე რეკორდულად მაღალი იყო ქვეყნის მასშტაბით არსებული საშუალო ტემპერატურა. ეს ყველაფერი კი ძლიერმა ქარმა კიდევ უფრო გაამძაფრა.

ექსპერტების თქმით, კლიმატის ცვლილება ბუნებრივ კატასტროფებს კიდევ უფრო გამანადგურებელს ხდის. მაგალითად, ახლა ავსტრალიაში ხანძრის სეზონი უფრო ხანგრძლივი დროის განმავლობაში გრძელდება, ვიდრე ადრე.

ახალი სამხრეთ უელსი, მეხანძრეები 31 დეკემბერს.

ახალი სამხრეთ უელსი, მეხანძრეები 31 დეკემბერს.

ფოტო: Saeed Khan/AFP/Getty Images

ხანძრის ზონიდან ევაკუირებული ბავშვები, ქალაქი ბეგა

ხანძრის ზონიდან ევაკუირებული ბავშვები, ქალაქი ბეგა

ფოტო: Sean Davey/AFP/Getty Images

ცხენი ხანძრის კერიდან გაქცევას ცდილობს.

ცხენი ხანძრის კერიდან გაქცევას ცდილობს.

ფოტო: Saeed Khan/AFP/Getty Images

პატარა გოგო სამაშველო ნავზე.

პატარა გოგო სამაშველო ნავზე.

ფოტო: ABC NEW

ახალი სამხრეთ უელსი.

ახალი სამხრეთ უელსი.

ფოტო: Saeed Khan/AFP/Getty Images

ადამიანები ხანძარს თავს სანაპიროზე აფარებენ.

ადამიანები ხანძარს თავს სანაპიროზე აფარებენ.

ფოტო: Sean Davey/AFP/Getty

ხანძრის შედეგად გაწითლებული ცა.

ხანძრის შედეგად გაწითლებული ცა.

ფოტო: Reuters

კენგურუ თავს ქალაქის ქუჩებს აფარებს.

კენგურუ თავს ქალაქის ქუჩებს აფარებს.

ფოტო: Saeed Khan/AFP/Getty Images

ცეცხლის ჩაქრობაში ავიაცია აქტიურადაა ჩართული.

ცეცხლის ჩაქრობაში ავიაცია აქტიურადაა ჩართული.

ფოტო: State Government of Victoria

დამწვარი მანქანა.

დამწვარი მანქანა.

ფოტო: Peter Parks/AFP via Getty Images