ქართული ოცნების თავმჯდომარე, ირაკლი კობახიძე ევროპარლამენტარების მწვავე კრიტიკის შემდეგ, გიგი უგულავა და გიორგი რურუას ციხიდან გათავისუფლებაზე აცხადებს, რომ ეს მართლმსაჯულების პოლიტიზების ძალიან ცუდი მაგალითი იყო და მსგავსი რამ არ განმეორდება. კობახიძის თქმით, არავის მისცემენ საშუალებას, განცხადებებით ქართული მართლმსაჯულების პოლიტიზება მოახდინონ.

"ევროპარლამენტის კონკრეტული დეპუტატები ქართულ მართლმსაჯულებაში ერეოდნენ. ამას დაესვა წერილი. ეს შემიძლია თამამად გითხრათ. ნაცმოძრაობის ლობისტები ქართული მართლმსაჯულების პოლიტიზებას ვეღარ განახორციელებნ ვერასდროს. ასეთი განცხადებები, რომლებიც არის დაცლილი ევროპული ღირებულებებისგან, რა თქმა უნდა, ხელს უწყობს პოლიტიკური პოლარიზაციის გაღრმავებას ჩვენს ქვეყანაში", — ამბობს კობახიძე.

კობახიძე ევროპარლამენტარებს მოუწოდებს, საქართველოში კანონის უზენაესობასა და სამართალს პატივი სცენ.