20 მიზეზი, რატომ უნდა აღვნიშნოთ ზარმაცების საერთაშორისო დღე (ფოტოები)

გინდ დაიჯერეთ, გინდ არა, ზარმაცების საერთაშორისო დღეც არსებულა. არა, ამჯერად, ამ სტატიის ავტორს და მისნაირებს არ ვგულისხმობთ. აი, სანდომიანი, მოღიმარი სახის ბეწვიანი ცხოველები ხომ იცით? მათ სახელიც კი აქვთ გატეხილი, რომ ძალიან ზანტები არიან. თუმცა, სიმართლე ითქვას, ნამდვილად დამღლელია, შეუსვენებლად ასეთი საყვარელი იყო. ამიტომ, საყვარლობით დაქანცული ეს არსებები რომ სათანადოდ დავაფასოთ, ამისთვის საგანგებოდ დაწესდა დღე — 20 ოქტომბერი.

რატომ უნდა აღვნიშნოთ ზარმაცების საერთაშორისო დღე? აი, ამას ახლავე გეტყვით.

1. ცეკვის ოსტატები არიან

2. პირდაპირი და გადატანითი მნიშვნელობით, ხელიხელსაგოგმანებლები არიან

3. კომუნიკაციის შესანიშნავი უნარი აქვთ — ძილი

4. მშვენივრად ესმით გამოთქმის "ძმა ძმისთვისაო" მნიშვნელობა

5. უპრობლემო მჭამელები არიან — ყვავილოვან კომბოსტოსაც კი ასეთი ნეტარებით გეახლებიან

6. კომფორტული სავარძლების არჩევა გამოსდით კიდევ არაჩვეულებრივად

7. ჩახუტება შეუძლიათ ისე, როგორც არავის!

8. სურვილის შემთხვევაში, გახდებიან იოგას თქვენი ინსტრუქტორები

9. ფოტოების გაფუჭება? რა თქმა უნდა, ზარმაცების მოგონილია

10. სად იყო ადამიანი ობობა, ზარმაცები რომ თავდაყირა კოცნიდნენ ხალხს?!

11. საკუთარ თავზე ზრუნვას ისე ვერავინ გასწავლის, როგორც ზარმაცა

12. ისიც მშვენივრად ესმით, რომ "თუ კაცსა ცოდნა არა აქვს, გასტანჯავს წუთისოფელი"

13. "ტვერკის" მასწავლებელიც ხომ არ გჭირდებათ ვინმეს?

14. არც ბალეტის ცეკვა ეშლებათ

15. ღვინის დაჭაშნიკების განსხვავებული მეთოდი რომ აქვთ, ეგ თუ იცოდით?

16. სელფის ჯოხი ვის რად უნდა?!

17. მაგრამ ცუდი ფოტოს წაშლის თხოვნაში შეუვალები არიან...

18. რაც მართალია, მართალია — დაბადების დღის ტორტის შესაჭმელად კიდევ ერთი წელი სჭირდებათ

19. მაგრამ ტორტი არ ასუქებთ, რადგან აზიდვებს ყოველთვის აკეთებენ

აქვე საინტერესო ფაქტი: ზარმაცა ჩვეულებრივ ადამიანზე სამჯერ ღონიერია, ამიტომ, ეჭვი არ შეგეპაროთ, რომ ხელს უპრობლემოდ გადაგიწევთ.

20. დაბოლოს — როგორც ჩანს, არც არავინ არ ზრუნავს ბუნების, განსაკუთრებით კი ხეების დაცვაზე ისე, როგორც ზარმაცა

ასევე იხილეთ:

20 სახალისო ილუსტრაცია, რომელიც ზარმაცას პრობლემებს ასახავს

თუმცა, სახუმარო ფოტოები იქით იყოს და უნდა ითქვას, ზარმაცასებრნის რამდენიმე სახეობა უკვე გადაშენდა, საერთაშორისო დღის რეალური მნიშვნელობა კი მათი დაცვაა. ზარმაცები არცთუ იშვიათად ხვდებიან ბრაკონიერების სამიზნეში, ზოგს კი მათი მოშინაურების სურვილიც უჩნდება. ეს ძუძუმწოვრები ცხოველთა ტრეფიკინგად ცნობილი დანაშაულის მსხვერპლნიც ხდებიან — რამდენიმე წლის წინ კოლუმბიაში ისინი ყველაზე გაყიდვად ცხოველებადაც კი დასახელდნენ. რეალურად, ზარმაცებს ძალიან უჭირთ შინაური ცხოველის როლში ყოფნა და ადამიანების სამოსახლოში თავს არცთუ ბედნიერად გრძნობენ.

ბოლო ამბები:

გირჩევთ

თურმე ზარმაცების საერთაშორისო დღე არსებობს — 20 მიზეზი, რატომ უნდა აღვნიშნოთ ის