ისტორია 2009 წელს დიდი ენთუზიაზმით და ერთი პატარა მაღაზიით დაიწყო. ახალგაზრდა მეწარმეებმა ტექნიკის მაღაზია გახსნეს და დასაწყისშივე გააცხადეს საკუთარი მიზნები და მისია — ხელმისაწვდომი ფასები ხარისხიან ტექნიკაზე.

დღეს, 12 წლის შემდეგ, პრინციპი უცვლელია — ზუმერი ლიბერალური ფასებით, მომხმარებელზე ორიენტირებული სერვისით, მილიონზე მეტი გაყიდული სმარტფონით, 300-ზე მეტი თანამშრომლითა და მთელი საქართველოს მასშტაბით მოქმედი 17 ფილიალით იწონებს თავს, წლის ბოლომდე კი მას სამი ახალი ფილიალიც შეემატება.

12 წლის იუბილე ზუმერმა საკუთარ ბრენდს და მომხმარებლებს მორიგი რგოლით და ფასდაკლებებით მიულოცა. ამჯერად ზუმერული სამყაროს მთავარი გმირის როლში სტეფანე მღებრიშვილია.

ზუმერის წარმატების ერთ-ერთი საიდუმლო ისაა, რომ მუდმივად ისწრაფვის განვითარებისკენ და სამეწარმეო სულისკვეთებასაც ამაღლებს. იგი ხომ მაგალითია, როგორ შეიძლება ერთი მაღაზიიდან შექმნა ბრენდი, რომელიც უყვართ და რომელსაც ენდობიან. მრავალფეროვანი არჩევანისა და მისაღები ფასების პარალელურად, ზუმერი ციფრული ტექნიკის ბაზარზე შოპინგის ახალი კულტურის დამკვიდრებას ცდილობს. აქ სიახლეებს ჯერ ათვალიერებ, ცდი და სასურველ მოწყობილობას შემდეგ ირგებ.

ზუმერი მუდმივად მზადაა, სწრაფად მოერგოს ცვლილებებს, გაითვალისწინოს მომხმარებელთა მოლოდინები და მუდმივად გაზარდოს პროდუქციის ასორტიმენტი. თუკი თავდაპირველად კომპანია, ძირითადად, სმარტფონების მიმართულებით საქმიანობდა, დღეს მის ქსელში ლეპტოპების, ფოტო-ვიდეო და ექშენ კამერების, ტელევიზორების, ციფრული აქსესუარების და ჭკვიანი სახლის ტექნიკის დიდი არჩევანია.

არც ზუმერის ორიგინალური რეკლამები უნდა დავივიწყოთ. "ზუმერული ფასეებიი" — ალბათ ამ ფრაზას ახლა ღიღინით წაიკითხავდით, რაც სწორედ რომ კომპანიის ხმამაღალი და პოზიტიური კომუნიკაციის დამსახურება. შედეგად კი, ბოლო რამდენიმე წელია ზუმერი Gen Z-ის თაობის lovemark ბრენდად იქცა. კომპანიის ანგარიშზე ქართული სარეკლამო ინდუსტრიის ერთ-ერთი ყველაზე წარმატებული ვიდეორგოლები და საკომუნიკაციო კამპანიებია.

ვნახოთ, კიდევ როგორი სარეკლამო მწვერვალების დაპყრობას შეძლებს ზუმერი. მანამდე კი, თუკი ჯერ არ გინახავთ ეს ვიდეო, მოუსმინეთ "სტიოპა საოცარის" შესრულებულ სადაბადებისდღეო სიმღერას. რგოლზე ზუმერმა დიდი ხნის პარტნიორთან, კრეატიულ სააგენტო ლივინგსტონთან ერთად იმუშავა.

თუ აქამდე დაბადების დღის მისალოცად ინგლისურენოვან Happy Birthday-ს აყოლებდით ხმას, ამიერიდან სტეფანეს შესრულებული სიმღერა თქვენს განკარგულებაშია.

რაც მთავარია, ზუმერის დაბადების დღის კვირეულში (18 ოქტომბრიდან 24 ოქტომბრის ჩათვლით) განწყობის ასამაღლებლად ზუმერის ფილიალებსა და ვებგვერდზე დიდი, სადაბადებისდღეო ფასდაკლებები გელოდებათ.