ჯანდაცვის სამინისტროში გამართულ ექიმების კონსილიუმზე მიღებული გადაწყვეტილებით, ექსპრეიზდენტ მიხეილ სააკაშვილის პირადი ექიმი ნიკოლოზ ყიფშიძე ციხეში დღეს შევა. ყიფშიძის თქმით, სამშაბათს, 19 ოქტომბერს მულტიფუნქციურ მედიკოსთა ჯგუფი შეიკრიბება და სააკაშვილის ჯანმრთელობის მდგომარეობის შესახებ დაზუსტებულ ინფორმაციას მოიპოვებს.

"საშვი მომცეს ნახევრად. დაწვრილებით ამის შესახებ ადვოკატს ჰკითხეთ, საკაშვილის ბოლო ანალიზების პასუხი არ მინახავს. შევთანხმდით, რომ მულტიფუნქციურ ექიმთა ჯგუფი შევხვდებით სამშაბათს. 11 ოქტომბრიდან ველოდებოდი ამ საშვს. მერე თქვეს, რომ ახალი წესებია და ყოველ დღე ახალი საშვი მჭირდება", — ამბობს ყიფშიძე.

მიხეილ სააკაშვილი 15 დღეა შიმშილობს. 10 ოქტომბერს, მისმა პირადმა, ექიმმა ნიკოლოზ ყიფშიძემ თქვა, რომ ექსპრეზიდენტის მდგომარეობა დამძიმდა. როგორც ექიმი განმარტავს, ეს შიმშილობის გამო მოხდა და მას უჭირს საუბარი და მოძრაობა. პასუხად პენიტენციური სამსახური ამტკიცებს, რომ ეს ინფორმაცია სიმართლეს არ შეესაბამება. მათი თქმით, როგორც მოშიმშილე, სააკაშვილი მუდმივად იმყოფება სამედიცინო პერსონალის დაკვირვების ქვეშ და მდგომარეობა დამაკმაყოფილებელია.

მომდევნო დღეს სააკაშვილის ადვოკატმა, ნიკა გვარამიამ განაცხადა, რომ ექსპრეზიდენტის ჯანმრთელობის მდგომარეობა დამაკმაყოფილებელია და ამ საკითხებით უტრირება არ ღირს.

გარდა ამისა, 8 ოქტომბერს პენიტენციულმა სამსახურმა გაავრცელა ინფორმაცია, რომ სააკაშვილმა ციხის მაღაზიაში 7 ქილა თაფლი შეიძინა და დაწყებული აქვს საკვების მიღება. ამას უპასუხა სააკაშვილის ექიმმა და თქვა, რომ თაფლს მხოლოდ ერთ კოვზს იღებდა და ჩაიში აგდებდა. მისივე თქმით, ამ ინფორმაციაზე სპეკულაციების შემდეგ სააკაშვილმა თაფლის მიღებაც შეწყვიტა.

ამავე თემაზე: