"გეტყვით ხუმრობით, მე უკვე გუშინ გადავდექი" — ასე უპასუხა პრემიერმინისტრმა, ირაკლი ღარიბაშვილმა ჟურნალისტის დასმულ კითხვას, მისი შესაძლო გათავისუფლების შესახებ.

"ესე იგი, იმის მიუხედავად, რომ ეს არაერთგზის განმარტა ჩვენმა პარტიამ, ჩვენი გუნდის წევრებმა, თქვენ მაინც ამ რაღაც უსუსურ პროვოკაციას და დეზინფორმაციას ავრცელებთ. მაშინ გეტყვით ხუმრობით, რომ თქვენ არ იცით, რომ, ასე ვთქვათ, მე უკვე გუშინ გადავდექი. მაგრამ იცით თქვენ?", — უთხრა ღარიბაშვილმა ჟურნალისტებს.

მედიაში რამდენიმე დღეა ვრცელდება ინფორმაცია, რომ ირაკლი ღარიბაშვილს არჩევნების მე-2 ტურის შემდეგ თანამდებობას დაატოვებინებენ. მსგავსი ინფორმაცია არაერთხელ გავრცელებულა და მაშინ ჯერ კიდევ მოქმედი პრემიერები მუდმივად უარყოფდნენ, თუმცა მოგვიანებით თანამდებობას ტოვებდნენ.