უკრაინაში რუსეთის ყოფილი პარლამენტარი და ვიქტორ იანუკოვიჩის წინააღმდეგ არსებულ ღალატის საქმეში მთავარი მოწმე დენის ვორონენკოვი მოკლეს, რის შემდეგაც უკრაინამ რუსეთი "სახელმწიფო ტერორიზმში" დაადანაშაულა.

Reuters-ის ინფორმაციით, ვორონენკოვს კიევის ცენტრალურ მოედანზე არსებული სასტუმროს წინ, დღის საათებში ესროლეს.

რუსეთი ბრალდებას "აბსურდულს" უწოდებს.

თავდამსხმელი ვორონენკოვის დაცვის წევრმა დაჭრა და ის საავადმყოფოში კრიტიკულ მდგომარეობაში იმყოფება.

ვორონენკოვი მოსკოვში 2016 წელს ჩავიდა და უკრაინის სამართალდამცავებს ქვეყნის პრო-რუსი ყოფილი პრეზიდენტის, ვიქტორ იანუკოვიჩის, წინააღმდეგ არსებულ სახელმწიფო ღალატის საქმეში მოწმის სახით ეხმარებოდა.

ყირიმის ანექსიის შემდეგ, ვორონენკოვი ასევე ღიად აფიქსირებდა თავის შეხედულებებს რუსეთის წინააღმდეგ.

პრეზიდენტმა პოროშენკომ შემთხვევას რუსეთის მხრიდან ჩადენილი "სახელმწიფო ტერორიზმის" ქმედება უწოდა.