12 ოქტომბერს ევროპული კინოდაჯილდოების 2021 წლის ნონინანტები დასახელდნენ და მათ შორის ქართული ფილმიც მოხვდა!

ახალგაზრდა ქართველი რეჟისორის დეა კულუმბეგაშვილის კინოსურათი დასაწყისი ნომინაციაში EUROPEAN DISCOVERY 2021 – Prix FIPRESCI ექვს ფინალისტს შორის მოხვდა. ამ კატეგორიაში ევროპელი რეჟისორების პირველ, სადებიუტო სრულმეტრაჟიან ფილმებს წარადგენენ ხოლმე.

ასე გამოიყურება წლევანდელი ნომინანტების სია სადებიუტო სრულმეტრაჟიანი ფილმების ნომინაციაში:

  • BEGINNING (დასაწყისი) — დეა კულუმბეგაშვილი, საქართველო
  • LAMB (ცხვარი) — ვლადიმარ იოჰანსონი, ისლანდია
  • PLAYGROUN (სათამაშო მოედანი) — ლაურა ვანდელი, ბელგია
  • PLEASURE (სიამოვნება) — ნინჯა თაიბერგი, შვედეთი
  • PROMISING YOUNG WOMAN (იმედისმომცემი ახალგაზრდა ქალი) — ემერალდ ფენელი, დიდი ბრიტანეთი
  • THE WHALER BOY (ვეშაპზე მონადირე ბიჭი) — ფილიპ იურიევი, რუსეთი

აღსანიშნავია, რომ ეს დეა კულუმბეგაშვილი სადებიუტო სრულმეტრაჟიანი ფილმის პირველი საერთაშორისო წარმატება არ არის: დასაწყისი სან-სებასტიანის 2020 წლის კინოფესტივალის ტრიუმფატორი გახდა იყო და ერთდროულად ოთხ ნომინაციაში გაიმარჯვა, მათ შორის საუკეთესო ფილმისა და რეჟისორის კატეგორიაში.

უკვე წელს დეა კულუმბეგაშვილი სან-სებასტიანის კინოფესტივალის ჟიურის თავმჯდომარედ აირჩიეს.

აღსანიშნავია, რომ დასაწყისი შარშან კანის ფესტივალის პროგრამაშიც მოხვდა, მოგვიანებით კი კულუმბეგაშვილი ამავე კინოფესტივალზე ერთ-ერთი სექციის ჟიურის წევრიც იყო და საუკეთესო მოკლემეტრაჟიანი ფილმების გამოვლენაში მიიღო მონაწილეობა.

რაც შეეხება ევროპულ კინოდაჯილდოებას, წლევანდელი გამარჯვებულები 12 დეკემბერს დასახელდებიან და ზუსტად მაშინ გავიგებთ ჩვენც, შეძლებს თუ არა კიდევ ერთი წარმატების მიღწევას თანამედროვე ქართული კინოს ეს ერთ-ერთი ყველაზე გამორჩეული ნამუშევარი.

ასევე იხილეთ: