დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მიმდინარე წელს გრიპის ვაქცინის 200 000 დოზა შეიძინეს, ქვეყანაში კი ამ დროისათვის 43 000 დოზაა შემოტანილი. მისივე თქმით, ამ კვირაში სამი რისკჯგუფის ვაქცინაცია იწყება. ესენი არიან: სამედიცინო პერსონალი, ორსულები და დიალიზზე მყოფი პაციენტები.

"შემდეგ 20-დან 25-მდე, დაახლოებით, ამ პერიოდში ველოდებით დანარჩენ 160 000 დოზას გრიპის ვაქცინისას და ის უკვე განაწილდება შესაბამისად იმ დანარჩენ რისკჯგუფებზე, როგორიც არიან ქრონიკული დაავადების მქონე პაციენტები, ბავშვები, რომლებიც გარკვეულ რისკჯგუფებში შედიან და კიდევ სხვადასხვა რისკჯგუფები. ეს ყველაფერი არის უფასო", — აღნიშნავს გამყრელიძე.

ის, ასევე, იმედს გამოთქვამს, რომ ვაქცინის შესაბამის დოზებს კერძო სექტორიც შემოიტანს.