ჯანდაცვის მინისტრის მოადგილის, თამარ გაბუნიას განცხადებით, კორონავირუსის შემთხვევების უჩვეულოდ მაღალი მატებაა. მან ასევე თქვა, რომ დღევანდელი მაჩვენებელი ძალიან საყურადღებოა და ზრდის მიზეზებს მოიკვლევენ.

"გარკვეული მატება ბოლო პერიოდის განმავლობაში იყო, თუმცა გარკვეულწილად უჩვეულოდ მაღალი მატებაა დღევანდელი ციფრი, თუნდაც სამშაბათის ციფრების დაგროვებიდან გამომდინარეც კი. მაინც მაღალია მატებაა, ამას, რა თქმა უნდა, კიდევ დამატებით მოკვლევა მოჰყვება. საერთოდ დაახლოებით 3 000-ია ბოლო რამდენიმე დღეა, 2 500-დან 3 000-მდე მერყეობს მაჩვენებლების რაოდენობა", — თქვა თამარ გაბუნიამ.

თამარ გაბუნიამ ასევე ისაუბრა, რომ სტატისტიკის ზრდას ხელს უწყობს მობილობა და აცრების დაბალი მაჩვენებელი. მისი განმარტებით, არ არის საკმარისი იმუნური ფენა, იმისთვის, რომ ინფექციის გავრცელებას ხელი შეუშალოს.

12 ოქტომბრის მონაცემებით, საქართველოში კორონავირუსის 4 774 ახალი შემთხვევა დადასტურდა, გამოჯანმრთელდა — 1 623, ხოლო გარდაიცვალა 37 ადამიანი.