ბათუმის შოთა რუსთაველის სახელმწიფო უნივერსიტეტის განცხადებით, მათი ფსიქოლოგიის კლინიკის ფსიქოთერაპევტები ბათუმში საცხოვრებელი კორპუსის ჩამონგრევის შედეგად დაზარალებულ მოქალაქეებს დახმარებას სთავაზობენ.

"ფსიქოლოგიური დახმარების მისაღებად დარეკეთ ნომერზე: 577 71 71 50", — ვკითხულობთ Facebook პოსტში.

8 ოქტომბერს, ბათუმში, 26 მაისის ქუჩაზე საცხოვრებელი კორპუსი ჩამოინგრა. ბოლო ინფორმაციით, ნანგრევებში ერთ ადამიანს ეძებენ. რამდენიმე საათის წინ ნანგრევებიდან კიდევ ორი ადამიანის — ქალისა და 12 წლამდე მოზარდის ცხედარი იპოვეს.

ამ დროისათვის ნაპოვნია 7 ცხედარი — 3 ბავშვი, 1 ასაკოვანი, 1 შუა ხნის ასაკის ქალი და 2 კაცი. სამაშველო და სამძებრო ღონისძიებები 24 საათზე მეტია გრძელდება.