ლონდონში მომხდარი თავდასხმის დროს ოთხი ადამიანი გარდაიცვალა, მინიმუმ 20 კი დაშავდა. გარდაცვლილებს შორის ერთი პოლიციის თანამშრომელია, ერთი კი თავდამსხმელი. ინფორმაციას ამის შესახებ BBC ავრცელებს.

დღეს, რამდენიმე საათის წინ, დიდ ბრიტანეთში პარლამენტთან სროლის ხმა ისმოდა. თემთა პალატის ლიდერმა დევიდ ლიდინგტონმა BBC-ის განუცხადა, რომ სავარაუდო თავდამსხმელს პოლიციელმა ესროლა.