ავტომობილის შეძენა ერთი შეხედვით მარტივი პროცესია, მაგრამ იმისათვის, რომ სწორი გადაწყვეტილება მიიღოთ, საკმაოდ ბევრი რამ უნდა გაითვალსწინოთ. განსაკუთრებული სიფრთხილეა საჭირო მეორეული ავტომობილის შეძენისას, რადგან შენაძენს ხშირად ბევრი პრობლემა მოჰყვება.

მყიდველი პირველ რიგში უნდა დაინტერესდეს, როგორია მისთვის სასურველი ავტომობილი — რამდენად გამძლეა და რა პრობლემები შეიძლება ახასიათებდეს.

სანამ შერჩევას დაიწყებთ, გააკეთეთ თქვენთვის სასურველი მოდელის ფასისა და ხარისხის დეტალური ანალიზი. გაიგეთ მისი მინიმალური და მაქსიმალური ფასი, პლუსები და მინუსები, ასევე ყველაზე გავრცელებული პრობლემები. წინასწარ უნდა იცოდეთ, რა სისუსტეები ახასიათებს თქვენთვის სასურველ მანქანას.

მომდევნო ნაბიჯი უკვე ავტომობილის შერჩევა და მისი შემოწმებაა. სასურველია, რომ ავტომობილის გარბენი არ იყოს ძალიან მაღალი. საუკეთესო შემთხვევაში, 100 000 კილომეტრზე ნაკლები გარბენის მქონე ავტომობილი უნდა შეიძინოთ, ზოგადად კი, რაც ნაკლებია გარბენი — მით უკეთესია.

ავტომობილის შერჩევის შემდეგ, მისი შემოწმება აუცილებელია. არის თუ არა ნაავარიები და რამდენად სერიოზულად; თუ ნაავარიებია, რამდენად კარგადაა გაკეთებული; რა მდგომარეობაშია ძრავა, გადაცემათა კოლოფი, სავალი ნაწილი; საჭიროა, ჩაუტარდეს სრული ელექტრონული დიაგნოსტიკა.

თეგეტა მოტორსი გაფრთხილებთ: ნებისმიერ მანქანაზე, რომელსაც აქვს ზედმეტად ბევრი გარბენი, შესაძლებელია გარბენის ხელოვნური შემცირება, ე.წ. „ გარბენის ჩამოყრა“. რითიც ხშირად სარგებლობენ და მყიდველი შეცდომაში შეჰყავთ. ამის შემოწმების ერთადერთი რეალური გზა დიაგნოსტიკაა, მაგრამ ყველა მანქანაზე, სამწუხაროდ, არაა შესაძლებელი.

ძრავის მექანიკური მდგომარეობის შემოწმება მხოლოდ ხმის მოსმენით ხდება. ამასთან ერთად უნდა შეამოწმოთ ცილინდრის კომპრესია და ხომ არ არის ძრავა გადახურებული.

სასურველი ავტომობილის შემოწმების შემდეგ გექნებათ პირველადი ინფორმაცია, რა მდგომარეობაშია თქვენი მომავალი ავტომობილი და ხომ არ უნდა ელოდოთ უსიამოვნო სიურპრიზებს ახლო მომავალში.

თეგეტა მოტორსი გირჩევთ: აუცილებლად მოიწყვეთ სრულფასოვანი ტესტ-დრაივი, რათა საბოლოოდ დარწმუნდეთ, რომ ეს სწორედ ის ავტომობილია, რომელიც უნდა შეიძინოთ.

მეორეული ავტომობილის შეძენის შემდეგ ყოველთვის რეკომენდირებულია გარკვეული სერვისის ჩატარება.

უმეტეს შემთხვევებში, საჭიროა, ხოლმე ძრავისა და გადაცემათა კოლოფის ზეთის შეცვლა. ასევე ჰაერის, სალონის ან საწვავის ფილტრის გამოცვლა. შესაძლოა, აუცილებელი იყოს ანთების სანთლების შეცვლაც.

თეგეტა მოტორსი გირჩევთ: გაითვალისწინეთ, რომ თუ ავტომობილს ყველა აუცილებელი სერვისი დროულად უტარდება, ეს უსიამოვნო სიურპრიზების ალბათობას მინიმუმამდე ამცირებს.

გახსოვდეთ, მეორეული ავტომობილის შეძენისას ერთ-ერთი ყველაზე მნიშვნელოვანი მისი კარგად შემოწმება და არსებულ თუ მოსალოდნელ პრობლემებზე სწრაფი რეაგირებაა.