ამერიკულ-ქართული განათლების ცენტრის ორგანიზებით, 2021 წლის 9 ოქტომბერს, 12:00 საათიდან 17:00 საათამდე განათლების საერთაშორისო ვირტუალური გამოფენა გაიმართება. ღონისძიების სპონსორები არიან: IE University, Mt. San Antonio College, CBS International Business School და EU Business School. ყველა დაინტერესებულ პირს გამოფენაზე შეეძლება, მიიღოს ამომწურავი ინფორმაცია საზღვარგარეთ სწავლის, უნივერსიტეტებისა და მათი პროგრამების შესახებ. ასევე შეეძლებათ, პირადად დაუკავშირდნენ უნივერსიტეტების წარმომადგენლებს და დაუსვან მათთვის საინტერესო კითხვები.

გამოფენაზე ასევე გაიმართება ოქროს სპონსორების სემინარები, რომლებზე დასწრებაც საშუალებას მოგცემთ, მეტი ინფორმაცია მიიღოთ მათ შესახებ.

სემინარების განრიგი:

  • Mt. San Antonio College - 13:00 საათზე;
  • IE University - 14:00 საათზე.

რეგისტრაცია და მონაწილეობის მიღება არის სრულიად უფასო. მონაწილეობის მისაღებად საჭიროა, დარეგისტრირდეთ შემდეგ ბმულზე: leafonlinefair.com

IMI - International Management Institute მდებარეობს ქალაქ ლუცერნში, შვეიცარიაში.

პირველი სტუდენტები უნივერსიტეტმა 1991 წელს მიიღო, მას შემდეგ უნივერსიტეტი მუდმივად ვითარდება. IMI-ში მთელი მსოფლიოს მასშტაბით სემესტრულად 200-ზე მეტი სტუდენტი სწავლობს. ისინი გამიზნულად იღებენ მცირე რაოდენობის სტუდენტებს, რათა უზრუნველყონ ინდივიდუალური საგანმანათლებლო გარემო.

უნივერსიტეტის კურსდამთავრებულები კარიერას აგრძელებენ წამყვან პოზიციებზე მსოფლიოს მასშტაბით. IMI-ის მიდგომა განათლებისადმი მოიაზრებს პრაქტიკულ ნაწილსაც. მათ აქვთ ძალიან ბევრი კავშირი სხვადასხვა კომპანიასთან მთელი მსოფლიოს გარშემო და სტუდენტებს ეხმარებიან გაიარონ სტაჟირება. სტაჟირება არის პერიოდი, რომელიც აძლევს სტუდენტებს პრაქტიკაში განახორციელონ ის, რაც აკადემიური სემესტრის განმავლობაში ისწავლეს. სტაჟირების ხანგრძლივობა მინიმუმ 22 კვირაა და ზოგი პროგრამის შემთხვევაში სასწავლო კურსის განუყოფელი ნაწილია. აღსანიშნავია, რომ შვეიცარული კანონმდებლობით სტაჟირება არის ანაზღაურებადი. შესაბამისად, სტუდენტებს სწავლის პერიოდში აქვთ თანხის გამომუშავების შესაძლებლობაც.

IMI-ში შესაძლებელია სწავლა როგორც საბაკალავრო, ასევე სამაგისტრო საფეხურზე.

ბაკალავრიატი:

  • ბიზნესი და მარკეტინგი
  • სტუმარ-მასპინძლობის საქმე (Hospitality)
  • კულინარია

მაგისტრატურა:

  • სტუმარ-მასპინძლობა და ივენთ მენეჯმენტი
  • კულინარიული ხელოვნება

მსურველებს ასევე შეუძლიათ, გაიარონ საზაფხულო პროგრამები. ყველა კურსი ისწავლება ინგლისურ ენაზე.

სწავლის საფასური დამოკიდებულია პროგრამაზე და მერყეობს $16 200-დან $37 840-მდე, ფასი მოიცავს ცხოვრებისა და კვების ხარჯებსაც. უნივერსიტეტს არ აქვს სრული დაფინანსების პროგრამა, თუმცა პერიოდულად სტუდენტებს სთავაზობს ნაწილობრივ დაფინანსებას.

სტუდენტებს აქვთ შესაძლებლობა, მიიღონ მაღალი დონის კარიერული კონსულტაცია და ითანამშრომლონ ამ სფეროს მსოფლიოს მასშტაბით წამყვან კომპანიებთან: რიც-კარლტონი, ჰილტონი, მარიოტი და სხვა.

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს განათლების საერთაშორისო ვირტუალურ გამოფენაზე 9 ოქტომბერს, 12:00 საათიდან 17:00 საათამდე. შემოგვიერთდით: https://leafonlinefair.com/