ოსკაროსანი ანიმაციური ფილმის, ზოოტოპიას სცენარის ავტორები და დისნეი სავარაუდოდ სასამართლოს წინაშე წარდგებიან.

სცენარისტი გარი გოლდმანი ცნობილ კომპანიას იდეის მოპარვაში ადანაშაულებს.

როგორც გარი ამბობს, ზოოტოპია მან 2000 წელს შექმნა და დისნეიმ ის ორჯერ, 2000 და 2009 წლებში დაიწუნა. მოგვიანებით კი აღმოჩნდა, რომ ამ ანიმაციური ფილმის შექმნაზე მის მაგივრად სხვები მუშაობდნენ.

"ანიმაცია ჩემი შექმნილია, მათ უბრალოდ პერსონაჟები გადააკეთეს, დიალოგები კი თითქმის იგივეა", - ამბობს გარი და ამის დასადასტურებლად ფოტოსაც კი ასაჯაროებს.

"გარი გოლდმანი ტყუის. ფაქტია, რომ მას ასეთ წარმატებულ ანიმაციურ ფილმთან არაფერი აკავშირებს. ჩვენ აუცილებლად განვიხილავთ ამ ცილისწამებას სასამართლოში", - ამბობს დისნეის წარმომადგენელი.

ზოოტოპია ქალაქია, სადაც სხვადასხვა სახეობის ცხოველები ცხოვრობენ. ამ ფილმში მიზანდასახული კურდღელი ჯუდი ახალწვეული პოლიციელია. გაუჩინარებული ცხოველის საქმის გამოძიებისას ჯუდის მელია ნიკ ვაილდი ეხმარება. ტრადიციული შეხედულებები მტაცებლებისა და უწყინარი ცხოველების შესახებ ზოოტოპიის მცხოვრებლებს არა ერთი გამოწვევის წინაშე აყენებს.