რუსთავის მეტალურგიულ ქარხანაში, სავარუდოდ, აფეთქებას ერთი ადამიანის სიცოცხლე ემსხვერპლა. პროფკავშირების გაერთიანების წარმომადგენელი თამაზ დოლაბერიძე On.ge-სთან ამბობს, რომ მათი პირველადი ინფორმაციით, შემთხვევა საჯართე უბანში ჯართის დამუშავების პროცესში მოხდა.

"ჩვენი წარმომადგენელი იმყოფება ამ წუთებში ადგილზე და დეტალები მოგვიანებით გვეცოდინება. რამდენადაც ვიცით, საჯართე უბანში ჯართის დამუშავების პროცესში მოხდა", — ამბობს დოლაბერიძე.

შინაგან საქმეთა სამინისტროში გვითხრეს, რომ მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამუშაოს წარმოებისას უსაფრთხოების წესის დარღვევას გულისხმობს.