Edison Research-ის ეგზიტპოლით, თბილისში მეორე ტური გაიმართება. ეგზიტპოლის მიხედვით, შედეგები შემდეგნაირად გადანაწილდა:

  • კახა კალაძე — 43%;
  • ნიკა მელია — 39%;
  • გიორგი გახარია — 7%;
  • ანა დოლიძე — 4%;
  • ანა ბიბილაშვილი — 2%;
  • გიორგი ლომია — 1%
  • რიჩარდ ოგბუნუჯუ — 1%/

რაც შეეხება პარტიულ ნაწილს, ფორმულას ინფორმაციით, ის ამ წუთებში მუშავდება.

ტელეკომპანიის ცნობით, აღნიშნული მონაცემები 18:00 საათისაა, ცდომილების ზღვარი თბილისისთვის არის +-3%, 95%-იანი სანდოობის დონისთვის თბილისში ჩატარდა 6 783 ინტერვიუ.

დღეს საქართველოში ადგილობრივი თვითმმართველობის არჩევნები მიმდინარეობს. მოსახლეობა მერებს და საკრებულოების წევრებს ირჩევს. თუმცა ამჯერად ეს არ არის მხოლოდ თვითმმართველობის არჩევნები — მიუხედავად იმისა, რომ ქართულმა ოცნებამ შარლ მიშელის შეთანხმება ანულირებულად გამოაცხადა, ოპოზიცია ამ არჩევნებს რეფერენდუმს უწოდებს. სწორედ ამ დოკუმენტის მიხედვით, იმ შემთხვევაში, თუ ქართული ოცნება თვითმმართველობის არჩევნებზე 43%-ზე ნაკლებს აიღებდა, რიგგარეშე არჩევნები უნდა ჩატარებულიყო. ხელისუფლება დღეს აცხადებს, რომ ამ პირობის შესრულებას არ აპირებს.