ნაციონალური მოძრაობის წევრის, ეკა ხერხეულიძის განცხადებით, უმოკლეს ვადაში დამატებითი ვიდეოები გავრცელდება და ექსპრეზიდენტი, მიხეილ სააკაშვილი თავად ეტყვის საზოგადოებას დამატებით დეტალებს. ამის შესახებ მან სპეციალურ ბრიფინგზე ისაუბრა.

"უმოკლეს ვადაში გავრცელდება, ასევე, დამატებითი ვიდეოები, თავად მიხეილ სააკაშვილი გეტყვით დამატებით დეტალებს, მაღალი ინტერესიდან გამომდინარე, მაგრამ ის, რაც პარტიაში დაორგანიზებული იყო, ის გეგმა უცვლელი გახლავთ. ჩვენი მზაობა არის ხვალინდელი დღე, მშვიდ გარემოში უნდა მოვახერხოთ საზოგადოების მობილიზება, თავისუფალი ნების დაფიქრება, ხმის მიცემა და ხმების დაცვა", — განაცხადა მან.

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: