პარლამენტის თავჯდომარის, კახა კუჭავას განცხადებით, მიხეილ სააკაშვილის მიერ გამოქვეყნებული ვიდეო "ფეიქია" და სააკაშვილი საქართველოში არ არის.

"არ შეიძლება გააკეთო კომენტარი სერიოზულად არასერიოზულ კაცის არასერიოზულ ქმედებებზე [...] ვისაც გჯერათ, შეგვიძლია გავატაროთ, მაგრამ ფაქტია, რომ სააკაშვილი საქართველოში არ არის, ეს არის ფეიკ ვიდეო და ემოციების დაცხრომისკენ მოვუწოდებ ყველას, პირველ რიგში, თქვენ, რომ არ გავრცელდეს ცრუ ინფორმაცია, ესაა რეალობა", — განუცხადა კუჭავამ ჟურნალისტებს.

დღეს, პირველ ოქტომბერს მიხეილ სააკაშვილმა Facebook-ზე დაპოსტა, რომლის თანახმად, ის უკვე საქართველოში იმყოფება. მანამდე კი სააკაშვილმა 27 სექტემბერს სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

მან, ასევე, ვიდეო გამოაქვეყნა, სადაც ამბობს, რომ ბათუმში იმყოფება. შინაგან საქმეთა სამინისტროს ინფორმაციით, მიხეილ სააკაშვილს საზღვარი არ გადმოუკვეთავს. მის საქართველოში ყოფნას უარყოფს ქართული ოცნებაც. მმართველი პარტიის თავმჯდომარის, ირაკლი კობახიძის განცხადებით, ექსპრეზიდენტი ქვეყანაში არ იმყოფება.

სააკაშვილმა 27 სექტემბერს სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.