ექსპრეზიდენტის, მიხეილ სააკაშვილის განცხადებით, კოკაინის მოხმარების ბრალდება ტიპური რუსული ხელწერაა. აღნიშნულით ექსპრეზიდენტი ირაკლი კობახიძის განცხადებას ეხმიანება გიორგი გახარიაზე.

"მე, რა თქმა უნდა გახარიას დამცველად არ გამოვდგები, მაგრამ კოკაინის მოხმარების ბრალდება, ეს არის ტიპიური რუსული ხელწერა. ვერაფერ ახალს ივანიშვილის ხალხი ვერ იგონებს, ცხოვრებაში არ მივკარებივარ არც ერთ მსგავს ნარკოტიკს და რამდენი წელი იძახოდნენ ზუსტად იგივეს. ეს არის კლასიკური გაშავების ყველაზე პრიმიტიული ტექნოლოგია. ვიღაცა ერთუჯრედიანებს, ათასჯერ რომ გაუმეორებენ, ვიღაცა არის "კოკაინშიკი" მერე ნაწილი მართლა იჯერებს", — წერს სააკაშვილი ფეისბუქგვერდზე.

საზოგადოებრივ მაუწყებელთან სტუმრობისას, ქართული ოცნების თავმჯდომარე ირაკლი კობახიძე ყოფილ თანაგუნდელს, გიორგი გახარიას "ვიღაც კოკაინშიკად" მოიხსენიებს და წამყვანს ეუბნება, რომ მასზე 15 წუთის დახარჯვას, ჯობია სხვა თემაზე ისაუბრონ. მან, ასევე, გახარიას პატარა ჭანჭიკი უწოდა