ყვარელში საქართველოს ბანკში შეჭრაში ბრალდებულს აღკვეთის ღონისძიების სახით პატიმრობა შეუფარდეს. ინფორმაცია On.ge-ს სასამართლოში დაუდასტურეს.

საქართველოს ბანკზე თავდამსხმელს პროკურატურამ ბრალდება ტერორისტული აქტის, ტერორისტული მიზნით მძევლად ხელში ჩაგდების, ფეთქებადი ნივთიერების და ასაფეთქებელი მოწყობილობის მართლსაწინააღმდეგო შეძენა, შენახვა, ტარების მუხლებით წარუდგინა. აღნიშნული დანაშაულებები 10-დან 15 წლამდე თავისუფლების აღკვეთას ითვალისწინებს.

უწყებაში აცხადებენ, რომ მან ტერორისტული აქტი 500 000 აშშ დოლარის მოთხოვნის მიზნით მოაწყო. მათივე ცნობით, მას ბრალდებულს თან ჰქონდა ასაფეთქებელი ნივთიერება და მძევლად 6 მოქალაქე აიყვანა.