პარტია საქართველოსთვის ლიდერის და ყოფილი პრემიერმინისტრის, გიორგი გახარიას განცხადებით, სანამ თანამდებობაზე იყო, თავისუფლების ისეთი ხარისხი ჰქონდა, რომ გადაწყვეტილებებს თავად იღებდა. ამის შესახებ მან TV პირველის ეთერში ისაუბრა.

"თქვენ როგორ ფიქრობთ, დღეს ქვეყანაზე პასუხისმგებელი ვინ არის? ჩემ დროს მე ვიყავი. რა თქმა უნდა, სანამ ეს მუშაობდა მე ვიჯექი და ვასრულებდი ჩემს ფუნქციებს. [...] გეტყვით გულწრფელად, როდესაც მე ვიყავი პრემიერმინისტრი, მე თავისუფლების ისეთი ხარისხი მქონდა, რომ შემეძლო გადაწყვეტილების მიღება. როცა ვერ შევძელი, ავდექი და წამოვედი. ესენი პატარა ბავშვები კი არ არიან. რას ნიშნავს, ბიძინა ივანიშვილი ურეკავს-არ ურეკავს? ყველა ზრდასრული ადამიანია და პოლიტიკოსები არიან. მათი არჩევანია, მოიქცნენ ისე, როგორც იქცევიან", — აცხადებს ყოფილი პრემიერმინისტრი.

მისივე თქმით, ქართული ოცნების წევრების მიერ გაკეთებულ არჩევანზე პასუხს თავად აგებენ და პასუხისმგებლობის ივანიშვილზე დაკისრება არასწორია.