დაავადებათა კონტროლის ცენტრის დირექტორის, ამირან გამყრელიძის განცხადებით, მხარს ვერ დაუჭერს ქვეყანაში ბუსტერული დოზების შემოტანას, სანამ მოსახლეობის 40% მაინც არ აიცრება. მისივე თქმით დღევანდელი მონაცემებით 18 წელს ზემოთ მოსახლეობის 15,3%-ია აცრილი.

"დღევანდელი რიცხვით ორი დოზით აცრილია მოსახლეობის 11,7% და 18 წელს ზემოთ აცრილია მოსახლეობის 15,3%. სანამ 15,3%, ანუ მოზრდილი მოსახლეობის არ ავა გარკვეულ ნიშნულამდე, ჩემთვის ეს იქნება 40%, მანამდე არ მიმაჩნია, ვერ დავუჭერ მხარს ბუსტერული დოზის შემოტანას ქვეყანაში. ჯერ ის ხალხი უნდა მოვიცვათ მაქსიმალურად, ვისაც ეკუთვნის და უნდა 2 დოზით აცრილიყვნენ", — აღნიშნა ამირან გამყრელიძემ.

საქართველოში 4 სხვადასხვა ვაქცინა, ფაიზერი, სინოფარმი, სინოვაკი და ასტრაზენეკა არის შემოტანილი. ვაქცინაცია შეუძლია ყველა მსურველს, 16 წელს ზევით. ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.


გაიგეთ მეტი: