გრეის ანატომიის გულშემატკივრებისთვის მშვენიერი სიახლე გვაქვს: ქეით უოლში, რომელიც სერიალში ედისონ მონტგომერის როლს ასრულებდა, მე-18 სეზონში ბრუნდება. ახალი ამბავი ფანებმა გრეის ანატომიის ოფიციალური ინსტაგრამიდან გაიგეს.

"ძალიან მიხარია სახლში დაბრუნება", — ამბობს ქეით უოლში ვიდეოში.

ედისონი სერიალში წარმატებული გინეკოლოგი და ქირურგია, რომელიც ადრე დერეკ შეპარდზე იყო დაქორწინებული. უოლში ახალი სეზონის რამდენიმე ეპიზოდში გამოჩნდება, თუმცა ჯერჯერობით უცნობია, თუ როგორ განვითარდება მისი პერსონაჟის ისტორია.

ედისონის პერსონაჟი სერიალის პირველ სეზონში გამოჩნდა. მესამე სეზონის გადაღებისას შონდა რაიმსმა ედისონის პერსონაჟისთვის სპინოფ სერიალი, სახელად Private Practice შექმნა. სერიალი 6 სეზონს მოიცავს და ლოს-ანჯელესში ახალი ცხოვრების დასაწყებად გადასული ედისონის ისტორიას გვიყვება.

ქეით უოლშს გრეის ანატომიის 59 ეპიზოდში აქვს მონაწილეობა მიღებული და ბოლოს მე-8 სეზონის ერთ-ერთ ეპიზოდში, სახელად If/Then გამოჩნდა.

გრეის ანატომიის მე-18 სეზონის პრემიერა 30 სექტემბერსაა დაგეგმილი.