10 ნამუშევარი, რომელიც ავღანელი ქალების დამსხვრეულ იმედებსა და მომავლის შიშზე გვიყვება

აგვისტოს ერთ-ერთი ყველაზე მთავარი და მძიმე მოვლენა თალიბანის მეომრების ავღანეთის დედაქალაქ ქაბულში შესვლაა. ვიხილეთ, თუ როგორ ცდილობდნენ სასოწაკვეთილი ადამიანები ქვეყნის დატოვებას. რა თქმა უნდა, განსაკუთრებით მძიმეა ქალების მდგომარეობა, რომელიც თალიბანის სასტიკი რეჟიმის წინაშე აღმოჩნდნენ.

რამდენიმე დღის წინ თალიბანმა ავღანელ ქალებს სამსახურებიდან "დრობითი დასვენება" და სახლში დარჩენა მოსთხოვა, რადგან მებრძოლები მათ პატივისცემაში არ არიან დატრენინგებული. ამის შესახებ თალიბანის სპიკერმა 24 აგვისტოს გამართულ პრესკონფერენციაზე განაცხადა.

1996-2001 წწ-ში, როდესაც ავღანეთს თალიბანი აკონტროლებდა, ქალებს მუშაობა აუკრძალა და ბურკის ტარება დაავალდებულა. თალიბანის მიერ ძალაუფლების აღებისთანავე ავღანეთში გაჩნდა შიში, რომ იგივეს გააკეთებდნენ და მიუხედავად იმისა, რომ თავიდან ამას უარყოფდნენ, ნელ-ნელა სხვადასხვა მიზეზით ამ წესებს ამკვიდრებენ.

ავღანელი ქალების დამსხვრეულ ოცნებებსა და შიშებზე ყველაზე კარგად საუბარი თავად ავღანელ ქალებს შეუძლიათ, რომელთა შორისაცაა პირველი ავღანელი ქალი ქუჩის მხატვარი შამისია ჰასანი. ხელოვანი კაცების ძალაუფლების ქვეშ მოქცეული ქალების ცხოვრებას გულშიჩამწვდომი ნამუშევრებით გადმოგვცემს:

1. აფეთქება ქაბულის აეროპორტში

2. უსახლკაროდ და უიმედოდ დარჩენილი ადამიანების სევდა

3. ავღანელი ქალების ოცნებები

4. თალიბანის მიერ დამსხვრეული მომავლის იმედი

5. სასტიკი რეალობის წინაშე აღმოჩენილი ქალები

6. მიზანში ამოღებული ოცნებები

7. "ჩვენი სახლის ფანჯარა"

8. უცხო თვალისგან დამალული სურვილები და ოცნებები

9. სახლი

10. დამსხვრეული გულები

ამავე თემაზე:

ბოლო ამბები:

გირჩევთ