2019 წელს გამოცემა Quartz-მა მსოფლიოს 75 ყველაზე დიდი ეკონომიკის მქონე ქვეყნის 622 ბანკნოტი შეისწავლა. შესწავლილი ბანკნოტების 64%-ზე (405 კუპიურაზე) კონკრეტული ადამიანი იყო გამოსახული — ძეგლების ჩათვლით, მათგან 81-ზე — ქალი, თუმცა კუპიურაზე გამოსახული ქალების დიდი ნაწილი უბრალოდ ანონიმური ფიგურა იყო და არა — კონკრეტული პიროვნება. მაგალითად, ფერმერი ქალი ანგოლაში, მეცნიერი — კანადაში, მოცეკვავეები — ინდონეზიაში, ასევე — აბსტრაქტული ნაციონალური სიმბოლოები, მაგალითად ლედი ჰიბერნია. მათი გამოკლებით, ბანკნოტების მხოლოდ 12%-ზე იყო გამოსახული ქალი.

ქართული ლარის შემთხვევაში სიტუაცია ასეთია: 6 გავრცელებული ბანკნოტიდან მხოლოდ ერთზეა გამოსახული ქალი (თამარ მეფე 50-ლარიანზე). არადა, ისტორიის მანძილზე უამრავმა ქალმა შეიტანა საკუთარი წვლილი საქართველოს ისტორიის დაწერაში: მათ შორის არიან მწერალი, მხატვარი, პოლიტიკოსი, მფრინავი, რეჟისორი, უფლებადამცველი ქალები.

ეროვნული ვალუტის დიზაინი ქვეყნის ღირებულებებსა და სიმბოლოებზე წარმოდგენას გვიქმნის. თქვენი აზრით, ჩამოთვლილი ქალებიდან რომელი იმსახურებს ადგილს ქართული ლარის ბანკნოტზე?

ასევე იხილეთ: