ტვ პირველის ცნობით, განსაკუთრებულ დავალებათა დეპარტამენტის უფროსმა, ზვიად ხარაზიშვილმა, იგივე "ხარებამ", მხრის არეში დაზიანების გამო, ავერსის კლინიკაში რადიოლოგიური კვლევა ჩაიტარა. ფაქტი ავერსის კლინიკის რადიოლოგმა, სოფო მიქიაშვილმა დაადასტურა.

"მყესების პრობლემა არის, რამდენიმე მყესის დაზიანება აქვს მაღალი ხარისხის მხრის არეში. მე ვარ რადიოლოგი და საიდან როგორ მიიღო დაზიანებები ვერ გეტყვით. ნებისმიერი მექანიკური ზემოქმედებით შეიძლება მიეღო ეს დაზიანება — ვარჯიში, დატვირთვა — ყველაფერს შეუძლია. მე ინფორმაცია ანამნეზის არ მაქვს. ჩემთან კვლევა პირველად ჩაიტარა", — აცხადებს ავერსის კლინიკის რადიოლოგი, სოფო მიქიაშვილი.

ტვ პირველისვე ცნობით, ზვიად ხარაზიშვილი კლინიკიდან უკვე გაწერეს და ბინაზე გააგრძელებს მკურნალობას.