ილიაუნის სააპელაციო საჩივარი დაკმაყოფილდა — ამის შესახებ ამბობს ილიას უნივერსიტეტის კანცლერი, ქეთი დარახველიძე. იგი აღნიშნავს, რომ "აპელაციის საბჭოს გადაწყვეტილებით, ავტორიზაციის საბჭო ვალდებულია, ხელახლა განიხილოს ილიაუნის ავტორიზაციის საკითხი".

"დიდი მადლობა აპელაციის საბჭოს სამართლიანი გადაწყვეტილებისთვის", — დაწერა ქეთი დარახველიძემ.

27 სექტემბერს ცნობილი გახდა, რომ ილიას სახელმწიფო უნივერსიტეტმა ავტორიზაცია ერთ წელიწადში მონიტორინგის ჩატარების მოთხოვნით მიიღო.

დასკვნა, რომლის საფუძველზეც საბჭომ ავტორიზაციის მინიჭებაზე იმსჯელა, ამბობს, რომ უნივერსიტეტი ყველა სტანდარტის შესაბამისად აკმაყოფილებს მოთხოვნებს.

ეს გადაწყვეტილება უნივერსიტეტისთვის მოულოდნელი და გაუგებარი იყო, რატომ დააკლო საბჭომ უნივერსიტეტის ქულები და რის შესამოწმებლად უნდა ჩაატაროს ხარისხის ცენტრმა ერთი წლის თავზე მონიტორინგი.

უნივერსიტეტმა გადაწყვეტილება სააპელაციო კომისიაში გაასაჩივრა, ხოლო საჩივარი დღეს დაკმაყოფილდა.