ჯიმ რიში: მიუხედავად იმისა, რომ ბიძინა ივანიშვილის წინააღმდეგ დაწესდა დაგვიანებული სანქციები, კიდევ მეტი უნდა გაკეთდეს

მიუხედავად იმისა, რომ ბიძინა ივანიშვილის წინააღმდეგ საბოლოოდ დაწესდა დაგვიანებული სანქციები საქართველოში მიმდინარე პოლიტიკურ არეულობაში მისი როლის გამო, ჯერ კიდევ მეტი უნდა გაკეთდეს, — ამის შესახებ ამერიკელი სენატორი, აშშ-ის სენატის საგარეო ურთიერთობათა კომიტეტის წევრი ჯიმ რიში X-ის საკუთარ გვერდზე წერს.

And while much overdue sanctions have finally been issued against Bidzina Ivanishvili for his role in the current political turmoil in #Georgia, more must still be done. Again, The U.S. won’t abandon the Georgian people & their desire to have a free, fair democracy.
— Senate Foreign Relations Committee Ranking Member (@SenateForeign) December 30, 2024

"კარგად ცნობილია ხელისუფლების მცდელობა, უარი თქვას საქართველოს მეგობრებზე, მაგრამ ჩვენ არ ვიტყვით უარს მის ხალხზე. მიუხედავად იმისა, რომ ბიძინა ივანიშვილის წინააღმდეგ საბოლოოდ დაწესდა დაგვიანებული სანქციები საქართველოში მიმდინარე პოლიტიკურ არეულობაში მისი როლის გამო, ჯერ კიდევ მეტი უნდა გაკეთდეს. აშშ არ მიატოვებს ქართველ ხალხს და მის სურვილს ჰქონდეს თავისუფალი, სამართლიანი დემოკრატია", — წერს სენატორი.

ჯიმ რიში კიდევ ერთ ტვიტში წერს, რომ "საქართველოს პარლამენტმა წინ წაიწია და პრეზიდენტად ღიად ანტიდასავლური პოლიტიკოსი დანიშნა", მიუხედავად ამისა, აშშ არ დათმობს ქართველ ხალხს.

"ოპოზიციის ბოიკოტის მიუხედავად, საქართველოს პარლამენტმა წინ წაიწია და პრეზიდენტად ღიად ანტიდასავლური პოლიტიკოსი დანიშნა. ხელისუფლებას აქვს მცდელობა უარი თქვას საქართველოს მეგობრებზე, მაგრამ ჩვენ უარს არ ვიტყვით მის ხალხზე", — წერს სენატორი.

Despite the opposition boycott, the Georgian parliament has moved forward to install an openly anti-Western politician as president. The gov't's attempt to reject Georgia’s friends is noted, but we will not give up on its people.
— Senate Foreign Relations Committee Ranking Member (@SenateForeign) December 30, 2024