დევნილთა და განსახლების მინისტრის, სოზარ სუბარის, განცხადებით, კანონი მოსმენების შესახებ აბსოლუტურად შეესაბამება ევროპული ქვეყნების გამოცდილებას და კანონმდებლობას.

მისივე თქმით, მნიშვნელოვანია არ დაირღვეს ადამიანის უფლებები და მეორე მხრივ, არ მიეცეს მიეცეს საშუალება ტერორისტებს, თუ კრიმინალებს უკონტროლოდ დააორგანიზონ დანაშაულები:

„კანონი რომელზეც მიდის მუშაობა და პრაქტიკულად მიღებულია უკვე არის აბსოლუტურად იმ სტანდარტის, როგორც ევროპულ ქვეყნებში და ზუსტად იმავე სტანდარტს იმეორებს. ნებისმიერს შეუძლია აიღოს ევროპული ქვეყნების გამოცდილება და მათი კანონმდებლობა და შეადაროს მათ და ნახავენ, რომ შეესაბამება სტანდარტს.“

სუბარმა, ასევე, აღნიშნა, რომ თუ პრეზიდენტს აღნიშნული კანონი არ მოსწონს შეუძლია დაადოს ვეტო და პარლამენტი იმსჯელებს დაძლიოს თუ არა ის.