რუხის კლინიკაში ოკუპირებული ტერიტორიიდან გადმოყვანილი 22 წლის ქალი კორონავირუსით გარდაიცვალა. ინფორმაცია On.ge-ს კლინიკაში დაუდასტურეს. როგორც კლინიკის მმართველი ჟურნალისტებთან ამბობს, მას ქრონიკული დაავადებები ჰქონდა.

"პაციენტი შემოყვანილი იყო ოკუპირებული ტერიტორიიდან, იყო ქრონიკული დაავადებები, რაც იწვევდა მის სიმძიმეს, კოვიდინფიცირებული იყო, ერთი თვის განმვალობაში მკურნალობდა ჩვენთან რეანიმაციულ განყოფილებაში. თავიდანვე, შემოსვლისთანავე მძიმე იყო მდგომარეობა. დადასტურებიდან მალევე მოხდა გადმოყვანა", — განაცხადა მან.

23 აგვისტოს მონაცემებით, ბოლო 24 საათში ქვეყანაში კორონავირუსის 2 354 ახალი შემთხვევა დადასტურდა, გამოჯანმრთელდა 5 200, ხოლო გარდაიცვალა 60 ადამიანი. ქვეყანაში სულ აცრილია 979 813 პირი, ხოლო დღიურად აცრილთა რაოდენობამ დღეს 17 670 შეადგინა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: