23 და 24 აგვისტოს ვაქცინაზე რეგისტრაციისა და ჯანდაცვის სამინისტროს ოფიციალური ვებგვერდები შეფერხებით იმუშავებს. როგორც უწყებაში განმარტავენ, იგივე პრობლემა ექნება moh.gov.ge-ს ყველა ელექტრონულ სისტემას.

"გაცნობებთ, რომ 23 აგვისტოს 23:00 საათიდან 24 აგვისტოს 02:00 საათამდე წინასწარ დაგეგმილი ტექნიკური სამუშაოების ჩატარების გამო, სამინისტროს ოფიციალური ვებ გვერდი და ელექტრონული სისტემები (moh.gov.ge) შეფერხებით იმუშავებს", — ნათქვამია სამინისტროს გავრცელებულ განცხადებაში.

აღსანიშნავია, რომ ვაქცინაციის ვებგვერდი Booking.moh.gov.ge ხშირად მუშაობს ხარვეზით. განსაკუთებით მაშინ, როცა ვაქცინის ახალი დოზები ემატება და მოქალაქეები რეგისტრაციას ცდილობენ. უწყებაში რამდენჯერმე აღნიშნეს, რომ ამ პრობლემის მოსაგვარებლად მუშაობენ.