90 წლის ბლოგერი, ლამარა აბჟანდაძე მოსახლეობას ვაქცინაციისკენ მოუწოდებს და წერს, რომ ორჯერ გადაარჩინა აცრამ, ერთხელ ბავშვობაში, როცა ყვავილზე აიცრა, მეორედ კი ახლა, როდესაც AstraZeneca–ს ვაქცინა გაიკეთა. აბჟანდაძე თხოვს ხალხს, გაითვალისწინონ მისი რჩევა, რადგან დიდი გამოცდილება აქვს.

"უკვე 91 წლის ვხვდები. ჩემი სიცოცხლის ხანგრძლივობა შედეგია იმ სწორი ცხოვრებისა, რომელსაც მე ვეწეოდი დღემდე და ვეწევი ახლაც, მე ორჯერ გადავრჩი აცრით. ერთხელ ბავშვობაში ყვავილის აცრით და მეორედ ახლა, როცა ასტრაზენიკით ერთ–ერთმა პირველმა ავიცერი.

მე აქტიურ ცხოვრებას არ ვწყვეტ, ბევრს დავდივავარ, ვმუშაობ, როგორც ფიზიკურად, ასევე გონებრივად. როცა ვისვენებ ვუსმენ მუსიკას, ვტკბები ნახატებით, ზოგჯერ მათემატიკის რთულ ამოცანებსა და მაგალითებსაც ვიხსენებ, ესეც სიამოვნებას მანიჭებს... დიახ, აქტიური ცხოვრება ყველაზე კარგი წამალია. ასე რომ იცხოვრეთ აქტიურად, აიცერით დროულად. უმორჩილესად გთხოვთ, მიიღეთ ჩემი — ხანდაზმული ქალის რჩევა, რომელსაც უდიდესი გამოცდილება აქვს", — წერს ლამარა აბჟანდაძე.

90 წლის ბლოგერი კორონავირუსის საწინააღმდეგო ვაქცინით 2021 წლის აპრილში აიცრა.