ბლოგერი და ქართული ფეისბუქის ვარსკვლავი ლამარა აბჟანდაძე ასტრაზენეკას ვაქცინაზე დარეგისტრირდა. უამრავი ადამიანის საყვარელ 90 წლის მოქალაქეს აცრა 26 აპრილს უწევს.

ლამარა აბჟანდაძემ ეს ამბავი ფეისბუქიდან გვამცნო, სადაც ამბის თხრობის თავისთვის დამახასიათებელი ლაკონურობით, სიზუსტითა და ემოციით გადმოსცა სათქმელი. თურმე, ხშირად ეკითხებიან, ხომ არ ეშინია ვაქცინის,. რაზეც შემდეგი პასუხი აქვს:

რისი უნდა მეშინოდეს? მე ხომ საბჭოთა რეპრესიებს გადავურჩი, ომის დროს შიმშილობას გადავურჩი, კომუნისტების რისხვას გადავურჩი, სხვადასხვა დაავადებების ეპიდემიასაც გადავურჩი.

ლამარა აბჟანდაძე

საქართველოში ვაქცინაცია 15 მარტს დაიწყო. ქვეყანაში AstraZeneca-სა და Pfizer-ის ვაქცინებია. 3 აპრილს კი ბაზარზე ჩინური სინოფარმი შემოვიდა, რომელიც ჯანდაცვის მსოფლიო ორგანიზაციიდან ავტორიზაციას ელოდება. ჯანდაცვის სამინისტროში აცხადებენ, რომ ჯანმოს მიერ ვაქცინის რეგისტრაციის შემდეგ, ის მოქალაქეებისთვისაც იქნება ხელმისაწვდომი.

ვაქცინაციის პროცესში ჩართვა შეუძლია ნებისმიერ მოქალაქეს 55 წლის ზემოთ, ასევე, სამედიცინო პერსონალს, დიალიზის საჭიროების მქონე პირებსა და ორგანოგადანერგილებს.

ვაქცინისთვის ჩაწერა და პრეპარატის არჩევა შესაძლებელია პლატფორმაზე Booking.moh.gov.ge.

მე 90 წლის მოქალაქე ასტრა ზენეკაზე დავრეგისტრირდი. 26 აპრილს მიწევს აცრა. მეკითხებიან ხომ არ გეშინიაო. რისი უნდა...

Posted by Lamara Abjandadze on Monday, April 5, 2021