მიუხედავად იმისა, რომ საქართველო ყველაფერს აკეთებს დაკარგული ტერიტორიების დასაბრუნებლად და რუსული ოკუპაციის შესაჩერებლად, ქვეყანაში ტერიტორიული მთლიანობის პრობლემა ისევ მწვავედ დგას. ოფიციალური მოსკოვი ოკუპირებული რეგიონის, ამ შემთხვევაში აფხაზეთის იზოლაციას მიზანმიმართულად განაგრძობს.

ფოტოგრაფმა ამოს ჩეფლმა აფხაზეთში იმოგზაურა და სეპარატისტული განწყობებისა და იზოლაციის მძიმე შედეგები აღბეჭდა.

ომის შემდეგ განადგურებული ინფრასტრუქტურისა და უსახსრობის გამო, ცურვის ინსტრუქტორი თავის მოსწავლეებს ცურვას ღია ზღვაში ასწავლის.

ფოტო: Amos Chapple

აფხაზეთში მოსახლეობის უმეტესობისათვის შემოსავლის მთავარი წყარო ტურიზმია. სოხუმსა და გაგრაში ჩასული ტურისტების 98% რუსეთის მოქალაქეა.

საბჭოთა ეპოქის სანატორიუმი გაგრაში. ლენინი ახალგაზრდა რუსების ტელეფონებს აკონტროლებს.

ქართულ-აფხაზური დაპირისპირების შემდეგ აფხაზეთის რეგიონი მძიმე ეკონომიკური ბლოკადის ქვეშ მოექცა. ლამაზი ბუნება და ზღვის სანაპიროები, განადგურებულ ინფრასტრუქტურასთან კონტრასტს ქმნის.

რუსი ტურისტები გაგრაში

შენობა სოხუმის ცენტრში, რომელიც ომსა და ნგრევას გადაურჩა, მოგვიანებით კი პატარა კაფედ გადააკეთეს.

ვლადიმერ სალანგინი, 21 წლის რუსი სამხედრო, რომელმაც ზღვა პირველად ნახა.

ბოქსის ტრენერი და სპორტსმენი ნახევრად დანგრეულ შენობაში ვარჯიშობენ.

ფოტო: Amos Chapple

დანგრეული კოლეჯის შენობა გალში, რომელიც აფხაზეთ-საქართველოს ე.წ საზღვართან არის ახლოს. ომამდე ეთნიკური ქართველი მოსახლეობის 96% სწორედ აქ იღებდა უმაღლეს განათლებას. დღეს შენობა ცარიელი და განადგურებულია.