ჯანდაცვის სამინისტროს განცხადებით, ექიმების მხრიდან აცრაზე უარის თქმის მიზეზები საეჭვოა, ამიტომ მოუწოდებენ მოსახლეობას, ასეთ შემთხვევაში, მიზეზების დაფიქსირება მოითხოვონ წერილობით. უწყების განცხადებით, დოკუმენტებს რეგულირების სააგენტო შეისწავლის და დაადგენენ, რამდენად საფუძვლიანი იყო ექიმის გადაწყვეტილება.

"აღნიშნული დოკუმენტი, თქვენივე ხელმოწერილ განცხადებასთან ერთად გადმოგზავნეთ სამედიცინო და ფარმაცევტული საქმიანობის რეგულირების სააგენტოს მეილზე [email protected], განცხადების შემოტანა ასევე შეგიძლიათ ადგილზე, სამინისტროს მოქალაქეთა მისაღებში. განცხადების დაფიქსირების შემდეგ, რეგულირების სააგენტო შეისწავლის თუ რამდენად საფუძვლიანი იყო ექიმის გადაწყვეტილება და იყო თუ არა პაციენტის მდგომარეობა აცრის უკუჩვენება", — წერის ჯანდაცვის სამინისტროს განცხადებაში.

ამ თემაზე 13 აგივსტოს ისაუბრა NCDC-ის დირექტორის მოადგილემ, პაატა იმნაძემ. როგორც იმნაძემ განაცხადა, არაკომპეტენტურობას გამოავლენენ ის ექიმები, ვინც ჩაწერენ, რომ მოქალაქეს აცრაზე უარს ბავშვობაში გადატანილი ჭინჭრის ციების გამო ეუბნებიან.

16 აგვისტოს მონაცემებით, საქართველოში კორონავირუსის 2 676 ახალი შემთხვევა დადასტურდა, გამოჯანმრთელდა 4 119, ხოლო გარდაიცვალა — 30 ადამიანი. პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 484 254-ს, ჯამში გამოჯანმრთელებულთა რაოდენობა გაიზარდა 425 651-მდე, ხოლო ვირუსს ჯამში 6 436 პირი ემსხვერპლა.