კლინიკა გორმედის ინფორმაციით, 101 წლის კოვიდინფიცირებული პაციენტი გამოჯანმრთელდა. კლინიკის განცხადებით, ხაშურის მკვიდრი მათთან უმძიმეს მდგომარეობაში მოათავსეს.

"პაციენტი შემოვიდა კლინიკაში ფილტვის ქსოვილის დაზიანების მაღალი ხარისხით, უგონო მდგომარეობაში, იმყოფებოდა რესპირატორულ მხარდაჭერაზე, მთელი რიგი ღონისძიებების შედეგად, მისი ჯანმრთელობის მდგომარეობა დასტაბილურდა, ამჟამად გახლავთ დამაკმაყოფილებელი ოქსიგენაციით და დატოვებს კლინიკას", — აცხადებენ კლინიკაში.

13 აგვისტოს მონაცემებით, საქართველოში კორონავირუსის 5 359 ახალი შემთხვევა დადასტურდა, გამოჯანმრთელდა 2 726, ხოლო გარდაიცვალა — 42 ადამიანი.