მკითხველების მისაზიდად ბიბლიოთეკარი თავის კატას პერსონაჟების კოსტიუმებში აწყობს

ბიბლიოთეკა საოცარი ადგილია; როგორც ამბობენ ხოლმე, ეს ყველაზე საშიში იარაღის, იდეების, საწყობია. თუმცა, ტექნოლოგიების ეპოქაში ასეთ საოცარ ადგილს მაინც უწევს წიგნების გარდა დამატებითი სერვისების შეთავაზებაც, რათა ხალხი მიიზიდოს. აი, პენსილვანიის პატარა ქალაქი ბელფონტის საჯარო ბიბლიოთეკა და ისტორიული მუზეუმი, მაგალითად, მომხმარებელს წიგნისა და ფილმის კლუბებს, რეცეპტების წიგნების მოყვარულთა გაერთიანებს, გენეალოგიურ და ისტორიულ რესურსებს, ციფრულ ბიბლიოთეკას, LEGO-ის კლუბს სხვა ბევრ თავშესაქცევს სთავაზობს.

თუმცა, მხოლოდ ეს როდი კმარა — ბიბლიოთეკამ ცოტა ხნის წინ ახალი თანამშრომელი აიყვანა, რომელსაც სწორედ მკითხველების მოხიბვლა და მოზიდვა ევალება. კატა, სახელად ჰორაციო, ყოველკვირეულად ჩნდება ბიბლიოთეკის ინსტაგრამზე სხვადასხვა ცნობილი ადამიანებისა პერსონაჟებისა და კოსტიუმებში გამოწყობილი.

ჰორაციოს პატრონი, რეალურად, ამავე ბიბლიოთეკის თანამშრომელი, ლისა შეფერია.

"ჰორაციო ჩემთან ერთად ცხოვრობს, თუმცა, სამუშაო ჩვენს მთავარ ფილიალში, ბელფონტში აქვს", — ამბობს ლისა, — "ძალიან კეთილი და დამჯერი ფისოა, ყოველთვის დიდი ინტერესით დამტრიალებს, როცა მისთვის კოსტიუმს ვამზადებ.

"ფოტოსესიის დასრულების შემდეგ გასამრჯელოდ სასუსნავს იღებს, ამიტომ კოსტიუმში გამოწყობილი ყოველთვის მოთმინებით ზის ხოლმე. ქუდებიდან და პეპელა ჰალსტუხებიდან პერანგებამდე და პარიკებამდე სამოსს ვსინჯავთ, ჰორაციო კი ყველაფერს ადვილად ირგებს".

თუ ლისას სიტყვების არ გჯერათ, აი, მტკიცებულებებიც: