ჯანდაცვის მინისტრის, ეკატერინე ტიკარაძის ინფორმაციით, კოვიდინციფირებული პაციენტებისთვის ამ ეტაპზე 500-ზე მეტი საწოლია თავისუფალი საწოლია მობილიზებული. მინისტრი აღნიშნავს, რომ ეს ციფრი მუდმივად ცვალებადია.

"ამ ეტაპისთვის, სრულიად საქართველოს მასშტაბით არის თავისუფალი დაახლოებით 500-ზე მეტი საწოლი. ეს რიცხვი არის მუდმივად ცვალეებადი, ვინაიდან, ჩვენ ძირითადად ვახერხებთ აქტიურ გაწერებს პაციენტებისა და მომენტალურად, ჩვენ ზუსტად ვიცით, თუ რომელი პაციენტი დაიკავებს ამ საწოლს [...]

ეს 536 საწოლი, რომელიც ამ ეტაპისთვის დადასტურებულად არის თავისუფალი, შეიძლება ორ საათში არ იყოს თავისუფალი", — განაცხდა ეკატერინე ტიკარაძემ.

ჯანდაცვის მინისტრი განმარტავს, რომ რეგიონებში საწოლფონდები განსხვავებული რაოდენობით, ინფიცირების მაჩვენებლების შესაბამისადაა გადანაწილებული.

როგორც ცნობილია, ჯანდაცვის სექტორს კოვიდინფიცირებული პაციენტებისთვის მაქსიმუმ 8 000 საწოლის გამოყოფა შეუძლია.