ჟურნალისტი გურამ როგავა ტელეკომპანია ფორმულაზე გადაცემას წაიყვანს. ინფორმაცია ამის შესახებ მან On.ge-ს დაუდასტურა.

გურამ როგავამ რუსთავი 2-ის დატოვების შესახებ გუშინ, 11 აგვისტოს განაცხადა.

"მადლობა "რუსთავი 2"-ს ახალი შესაძლებლობების აღმოჩენისთვის. მადლობა ყველა იმ თანამშრომელს, ვინც ორი წლის განმავლობაში ჩემს პროფესიულ განვითარებაზე გულწრფელად ზრუნავდა, მეხმარებოდა და მაძლიერებდა. სამწუხაროდ, დღეს ვერ ვხედავ საკუთარ თავს ამ არხზე, ძალიან მიჭირს, მაგრამ უნდა გადავდგა ეს ნაბიჯი. ცვლილებების დროა! მადლობა მაყურებელს, რომელიც გადაცემა P.S.-ის მოულოდნელი გაუჩინარების გამო, წუხილს მიზიარებდა, მამხნევებდა და ჩვენი გუნდის ეთერში დაბრუნების იმედს გამოთქვამდა. მეამაყება თითოეული გადაცემა, რომელიც ამ მოკლე დროში მოვამზადეთ. ბოდიში იმის გამო, რომ ვერ დავაბრუნე "პოსტსკრიპტუმი", რომლის ამბიციაც იყო ეჩვენებინა შეუნიღბავი რეალობა და დამდგარიყო ხალხის გვერდით. მჯერა, იგივე ამბიციით მალე ისევ შევხვდებით ერთმანეთს, მაგრამ ეს "რუსთავი 2-ზე არ მოხდება!", — დაწერა მან Facebook-ზე.

მოგვიანებით კი რადიო თავისუფლებასთან რუსთავი2-ის დატოვების მიზეზებზეც ისაუბრა.

“გარკვეული პოლიტიკური ლიდერები ითხოვდნენ, რომ მე უნდა ჩავეხსენით ეთერიდან. მე ვატყობდი, რომ უკვე ის დამოუკიდებლობის ხარისხი, რაც აქამდე პირადად მე მქონდა, მომავალაში ვერ მექნებოდა. 5 ივლისის მოვლენების შემდეგ, როცა დავინახეთ ჩვენ, როგორ გაუსწორდნენ ქუჩაში ჟურნალისტებს, მე საჭიროდ ჩავთვალე, რომ ჩემს საავტორო გადაცემაში პირდაპირ ეთერში დემონსტრაციულად დამეხია ცარიელი ფურცლები, რომელზეც მაშინ ვთვქვი, რომ სიმბოლურად იმ მომენტში მაყურებელს უნდა წარმოედგინა, რომ იყო კონსტიტუცია. 5 ივლისს ჩვენ თავზე დაგვახიეს კონსტიტუცია.

ამ ჟესტს შემდეგ მოჰყვა გარკვეული მძაფრი რეაქციები ხელისუფლების მხრიდან. მათ შორის მეც მივიღე გარკვეული გზავნილები, რომ შესაძლოა, ეს ცუდად დამთავრებულიყო. საერთო ნაცნობებმა მოიტანეს გარკვეული გზავნილები ჩემი მისამართით, რომ ეს იყო ზედმეტი, რომ ასე არ უნდა გამეგრძელებინა. ასევე, რატომღაც ასე დაემთხვა და ერთამანეთს მიეწყო, რომ რაღაცნაირად ერთი მესისჯობქსით მიგზავნიდნენ რჩევებს, რომ არ გინდა, ეს ნაბიჯი არ გადადგა, ცოტა დამშვიდდი, დაიწყნარე ნერვები. თითქოს ერთი ხელით იყო ნაწერი.

არხზე მოხვდა გარკვეული ცვლილებები და მენეჯმენტში მოვიდა ვაკო ავალიანი, რომელსაც განსხვავებული ხედვები ჰქონდა, მე სულ სხვანაირად ვხედავდი ჩემი გადაცემის განვითარებას. მე შემეძლო, დავრჩენილიყავი და მეკეთებინა ჟურნალისტიკა, რომელიც მე არ მომწონს. რუსთავი 2 ცდილობდა ჩემს შენარჩუნებას. შემომთავაზეს, გამეკეთებინა PS არჩევნები წინასაარცევნო პროცესში და ეს ყოფილიყო მხოლოდ თოქშოუ და არა ის ფორმატი, რაც თავდაპირველად იყო გათვალისწინებული, თუმცა, მე პირადად, ჩემი სუბიექტური განწყობებიდან გამომდინარე, მე მივიღე გადაწყვეტილება, რომ უნდა წამოვსულიყავი", — ამბობს გურამ როგავა.