კონგრესს ნასასთვის 2017 ფისკალური წლისთვის $19,5 მილიარდი აქვს გამოყოფილი. ამ თანხაში შედის პილოტირებული მისიები მარსზე და იუპიტერის თანამგზავრ ევროპაზე უპილოტო მისიები.

SpaceNews-ის თანახმად, ეს ბოლო 6 წელიწადში პირველი შემთხვევაა, როცა კონგრესმა ნასას მოთხოვნა დააკმაყოფილა. წარმომადგენლობითმა სახლმა გადაწყვეტილება 7 მარტს დაამტკიცა. ახლა კი საჭიროა, პრეზიდენტმა დონალდ ტრამპმა მოაწეროს ხელი.

ხარჯებში ასევე შედის ნასას მისიის ხარჯები მარსზე. განცხადებაში ნათქვამია, რომ სააგენტომ უნდა იმუშაოს "ადამიანების გაგზავნისთვის მარსის ზედაპირზე ან ზედაპირთან ახლოს 2030-იანი წლებისთვის". ფრაზაში "მარსის ზედაპირთან ახლოს" მარსის მთვარეზე, ფობოსზე დაჯდომა იგულისხმება, რაც ასტრონავტებისთვის მარსამდე ბოლო გაჩერება იქნება.

მარსამდე გამგზავრების ნაწილში ნასამ დაგეგმა, რომ ასტეროიდი მთვარის ორბიტაზე გადაიყვანოს და ასტრონავტები მასზე ორიონის კოსმოსური ზონდით დასვას. მისია 2020 წლისთვის იგეგმება და მას Asteroid Redirect Mission (ARM) ჰქვია. თუმცა, გეგმა საკმაოდ სარისკოდ გამოიყურება და როგორც კონგრესმა თქვა: ტექნოლოგიური და მეცნიერული მიზნები არ არის დემონსტრირებული. კონგრესი ნასას ალტერნატიული მისიას შემოშავებასა და ARM-დან ნასწავლი გაკვეთილებით მარსის მისიაში წვლილის შეტანას ურჩევს.

განცხადებაში ნათქვამია, რომ ევროპის რობოტულ გამოკვლევას მხარი უნდა დაეჭიროს. კონგრესი ასევე მიუთითებს ნასას, რომ გააგრძელოს ორიონის Space Launch System-ის რაკეტისა და Commercial Crew Program-ის (რომელსაც აფინანსებს SpaceX, ბოინგი და სხვა კომპანიები) მსგავსი პროექტები.