ბათუმში კოვიდინფიცირებული 21 წლის გოგო საავადმყოფოში გარდაიცვალა. როგორც On.ge-ს საავადმყოფოში განუცხადეს, ის 24 ივლისს მძიმე მდგომარეობაში შეიყვანეს, მისი გადარჩენა ვერ მოხერხდა და 6 აგვისტოს გარდაიცვალა.

ბათუმის საერთაშორისო კლინიკა ბაუს ინფორმაციით, შეყვანისას პაციენტს ფილტვების დიდი ნაწილი დაზიანებული ჰქონდა. ამასთან, ახალი გაკეთებული ჰქონდა ერთი ნეიროქირურგიული ოპერაცია და რთული ნევროლოგიური ფონი. გარდა ამისა, მას ნეიროქირურგიული ოპერაცია მანამდეც ჰქონია გადატანილი.

დღეის მონაცემებით, კორონავირუსით ბოლო 24 საათში 38 ადამიანი გარდაიცვალა, ხოლო ვირუსს დღემდე ჯამში 6 054 ადამიანი ემსხვერპლა. გარდაცვლილთა ყოველდღიური რაოდენობა კი განსაკუთრებით ბოლო დღეებში გაიზარდა.